تقرير المرحلة الأولى لمشروع *المبادرة المواطنية* تحت شعار الشباب يبادر -
التغيرات المناخية و أثارها المدمرة : حقيقة لازم نتعلمو منها .
التغيرات المناخية و أثارها المدمرة : حقيقة لازم نتعلمو منها .
كيما كل صيف , تونس ودول شمال إفريقيا و كيما أغلب الدول في المتوسط قاعدة تشهد في
تقلبات مناخية كبيرة مكناش مستانسين بيها قبل .
Deja صيف 2023
كان كاسح برشا و سجلنا فيه أرقام تخوف
و في تونس و حسب المرصد الوطني للرصد الجوي , فإنو شهر جويلية 2023 الأكثر حرارة على الإطلاق بالبلاد التونسية منذ عام 1950
وين سجلنا خاصة نهار 25 جويلية 2023 أعلى درجة حرارة وصلت لل 49
في دزاير حرائق كبيرة وصلت حتى فاتت حدودها و دخلت في الحدود التونسية من جهة الشمال الغربي و أخرها
زلزال الي ضرب مدينة مراكش في المغرب و الإعصار الي جاء في مدينة درنة في ليبيا الي الحصيلة متاعو كانت ثقيلة برشا على الأشقاء الليبيين .
بعد ال Bilan نجمو نستنتجو انو التغيرات المناخية و ما يتبعها من بروز ظواهر طبيعية متطرفة حاجة حقيقة منجموش ننكروها و عواقبها على بلدان الجنوب كارثية .
و أهم درس نجمو نتعلموه خاصة بعد الإعصار المدمر الي وقع في ليبيا , إنو غياب الدولة , و مؤسسات البحث العلمي الي تخدم على رصد التغيرات و توقع الكوارث و غياب سياسات عمومية مناخية ما ينجم كان يزيد في حدة الكوارث .
فوقيت باش نبدلو الوجهة شوية , و نتلهاو أكثر بالمسألة المناخية . خاترها أكثر حاجة urgente و ماتنجمش تزيد تصبر .
#المخبر_البيئي #labenvironment
#تونس
#المناخ
#weather